Spain

"O Grupo Nós atopou a xénese do pobo galego na cultura castrexa"

A historiadora María Xosé Fernández e o arqueólogo Xulio Rodríguez protagonizaron unha nova edición do Foro La Región

María Xosé Fernández, patroa do Museo do Pobo Galego (e a única muller na fotografía da súa i-nauguración), e Xulio Rodríguez, director do Museo Arqueolóxico de Ourense, protagonizaron o Foro La Región que tivo lugar onte no Centro Cultural Marcos Valcárcel e foi retransmitido tamén a través da páxina web de La Región, www.laregion.es. 

O encargado de presentar aos dous conferenciantes foi o arqueólogo Francisco Fariña, que os definiu como "compañeiros de rueiros físicos e mentais", e ademais á herdanza do Grupo Nós como "o sentimento de pertenza" a Galicia.  

NÓS, O REVULSIVO

"Falar en Ourense de Nós, sendo de Vigo, é un pouco atrevido", recoñeceu Fernández ao comezo da súa intervención, na cal destacou o "revulsivo total" que supuxo o traballo levado a cabo en Galicia entre 1920 e 1936, creando "un legado insuperable para un período tan curto". E Fernández precisou tamén como foi en tempos convulsos cando nacen as Irmandades da Fala e o Partido Galeguista, e algo despois eclosiona o Grupo Nós. Recordou como "o rexurdimento literario en Galicia desenvolveuse en paralelo co rexionalismo político de Alfredo Brañas, e o Seminario de Estudos Galegos deu un paso máis aló, xa dentro dunha esfera nacionalista, e acuñan entón o mito do celtismo, aínda hoxe vixente e motivo de intenso debate". 

Destacou Fernández a Risco como "o responsable de articular toda esta metodoloxía e liña de pensamento", e como os galeguistas se viron influídos pola teoría da supervivencia, segundo a cal o que permanece na memoria do pobo vai conformando unha tradición popular. E vería a luz de forma tardía unha das cúspides da etnografía galega cando no 62 se publica en Bos Aires "Historia de Galicia" de Otero Pedrayo, que disocia a cultura material e espiritual. 

Por último, Fernández subliñou a proliferación dos museos durante as últimas décadas:  "O turismo coñeceu unha gran expansión, e todos os concellos queren revestir con eles os seus reclamos turísticos". 

TORRES DE MARFIL

Pola súa banda, Rodríguez comezou a súa intervención facendo referencia a un artigo de Cuevillas, "Dos nosos tempos", que , segundo defendeu o director do Museo Arqueolóxico de Ourense, "marca un punto de inflexión no compromiso social, político e cultural, abandonando as torres de marfil nas que habitaban, lonxe do resto da sociedade". 

E neste proxecto de país ideado polos homes de Nós desde a cultura e a ciencia, "Cuevillas asume o compromiso estratéxico de identificar aqueles fitos históricos que sirvan de alicerces para, sumados ás propostas doutros campos, sirvan para edificar un novo ideario", engadiu. "No 23, o Seminario de Estudos Galegos significa a renovación da cultura e a investigación en Galicia, porque a súa irrupción supuxo a súa sistematización e renovación metodolóxica, con novos métodos como a aplicación do principio estratigráfico, que provén do mundo da Xeoloxía", proseguiu Rodríguez, quen remarcou como "as xeiras son a expresión máis orixinal e xenuína que tiñan os membros do seminario. Consistían en excursións científicas a unha determinada comarca, primando a integración de diferentes disciplinas. Figueira Valverde definiunas como 'moito máis que alegres caminatas'. O máis importante delas era a conversa entre expertos de diferentes campos e alumnos e mestres. Un diálogo que valía por moitos libros", comparou Rodríguez. "E non queda unha época, inclusive o paleolítico, sen ser tratada por eles". Iso si, remarcou, "será a cultura castrexa á que se lle preste máis atención, ao atopar nela a xénese do galego, o xerme do pobo galego que o individualiza en relación con outros pobos do entorno", recordou. E así foi como se organizaron xeiras de catalogación de castros en Verín, Celanova ou O Carballiño. Despois, a guerra "pecha unha época brillante na cultura galega, e marca o exilio, a represión e o silencio obligado para estos representantes da cultura e a ciencia".

 Non obstante, o xerente do Museo Arqueolóxico ourensán gabou, pensando no Grupo Nós, "a súa vida ao servizo dunha idea e unha causa, o galeguismo e o desenvolvemento cultural de Galicia". 

Football news:

Griezmann conversó con Hamilton y visitó las cajas de Mercedes en el gran premio de España
El Barcelona siente que Neymar la usó. Dijo que quería volver, pero extendió su contrato con el PSG (RAC1)
Los aficionados del Arsenal: Querían regalarles algo bueno. Lamento que no hayamos podido
El Atlético no perdió en el Camp Nou. La lesión de Busquets es el punto de inflexión del partido (¿y la carrera de Campeones?)
Verratti se lesionó los ligamentos de la rodilla en el entrenamiento del PSG. La participación en la Eurocopa aún está en duda
El contrato de Neymar en una sola imagen. Mbappé quiere lo mismo
El Manchester United quisiera fichar en verano a Bellingham, no a Sancho. Borussia no va a vender Jude