Spain

María Vilas: "Un acordo PP-PSOE-Cs representa o sentir cidadán"

María Vilas (Santiago, 1984) é secretaria de Acción Institucional de Ciudadanos en Galicia, desde onde respalda a posición do seu voceiro en Ourense, José Araújo, na busca dun acordo entre PSOE e PP para desaloxar a Jácome. 

 Respaldan esa estratexia de tentar unir a PP e PSOE?

 Traballamos de maneira coordinada neste senso, co noso voceiro municipal, a nivel autonómico e nacional. A nosa postura é clara. Levamos traballando desde o inicio en ser prácticos e proactivos. Conseguimos sentar na mesa aos dous partidos porque son os que teñen a solución. Penso que conseguir que sentasen a dialogar e falar foi xa un éxito. Pensamos que así se sentan as bases para un mellor futuro para Ourense.

Hai unha liña vermella co BNG?

O obxectivo prioritario é desbloquear a situación que se está a vivir en Ourense, cunha crise institucional que non deixa quitar adiante os proxectos vitais para a cidade. Neste escenario, participariamos no goberno ou quedando na oposición de maneira responsable. Temos claro que temos estar sentados todos aqueles partidos que representamos o sentir da maioría da veciñanza de Ourense, porque así o decidiron nas urnas. Ten que primar o entendemento. 

Cidadáns debería esixir estar no goberno?

As negociacións están abertas. Estamos falando entre tódolos partidos. Cremos que un acordo entre PP, PSOE e Cidadáns representaría unha gran maioría do sentir dos cidadáns de Ourense O que si temos claro é que para o que queda de mandato ten que haber eses 14 votos ou máis para que as cousas funcionen. A cidade non pode seguir paralizada e nun bloqueo permanente. 

Contemplan un goberno en minoría do PSOE?

Os gobernos en minoría xa vimos en que resultaron dando. Non se pode perder máis o tempo, e máis na pandemia que estamos a vivir, que azoutou a Ourense de forma significativa. Temos que poñer o acento nas necesidades dos cidadáns . É preciso un goberno amplio que dea estabilidade.

Quen é o culpable?

Non somos xuíces para repartir culpas, pero está claro que as decisións que se tomaron non foron as máis acertadas, xa que se deixou unha crise institucional sen precedentes. A prioridade na axenda de calquera político debe ser sentar e atopar unha solución. 

Football news:

Mijatovic sobre la pérdida del Real Madrid: Zidane debe corregirse. El equipo no conocía las fortalezas del Alavés
Frank Lampard: Respeto A Mourinho. No habrá resultados como él si no eres un entrenador talentoso
Coutinho sobre el Bayern: Ganar la liga de Campeones siempre ha sido mi gran objetivo. Ahora quiero llevarla con el Barça
El Real Madrid considera que la presión sobre los árbitros ha influido en el trabajo de los árbitros en el partido ante el Alavés. El Real Madrid cree que el trabajo de los árbitros en el partido de ayer estuvo influenciado por la presión que se ha generado en torno a los árbitros en los últimos tiempos
Lineker about VAR: me equivoqué al ser su partidario. El deporte no ha cambiado para mejor
Mourinho antes del partido contra el Chelsea: Tottenham no le teme a nadie
Guardiola sobre el calendario: los Jugadores pierden la alegría del fútbol. Este es un problema