Spain

"La ilustración en la revista Nós", as imaxes da xeración puxo a Galicia na cima da cultura

Catro monografías de persoeiros da revista Nós protagonizan un dos actos do centenario

 "Nós arredor de nós", de Paco López-Barxas, é unha publicación vencellada ao centenario da revista do mesmo nome, que se celebra esta semana. A Deputación de Ourense presentou onte o libro, editado por José Luis Teófilo e ilustrado por Baldomero Moreiras. Rosendo Fernández, vicepresidente provincial, participou no acto subliñando a "homenaxe a catro grandes da Auria irrepetible de Otero Pedrayo, Risco, Cuevillas, Losada Diéguez e Castelao".

Catro libriños

"Nós arredor de nós" é unha coidada edición especial, composta por catro libriños. Cada un adicado a un autor e feitas para ler "no que se tarda en ler un xornal do día", en palarbas do autor. As monografías chámanse "Arredor de nós e de Castelao", "Eu son Otero Pedrayo", "Eu son Risco" e "Eu son Floro Cuevillas". López-Barxas, autor da obra, tildou a publicación de "luxo para un luxo de Xeración. É unha homenaxe para os ourensáns de todo o mundo. Aquí está a galeguidade". O escritor confesou que esta edición conmemorativa do centenario de Nós "está feita con moito amor, paixón e admiración por estes nomes que souberon poñer a Galicia no mapa de Fontán. Trátase de homenaxear a unha vangarda cultural". 

Castelao, Otero Pedrayo, Vicente Risco e Florentino Cuevillas son os protagonistas desta edición conmemorativa

José Luis Teófilo, editor responsable de Teófilo Edicións, agradeceu a axuda da Deputación de Ourense para levar a cabo este proxecto editorial. "A Xeración Nós traballou sen descanso a prol dun país avanzado e recoñecido, e os seus integrantes contribuíron a construír a modernidade de Galicia, de que herdamos as súas inquedanzas e o amor pola terra", dixo no acto. Animou aos ourensáns a "herdar ese soño da Xeración Nós. A cultura é imprescindible". En concreto, sobre o traballo destes catro monográficos, Teófilo subliñou a "maxia de empaquetar e envolver estas xoias". 

Galeguidade universal

"Trátase dunha edición conmemorativa coa que homenaxeamos o espírito daqueles que proxectaron os nosos sinais identitarios no plano dunha galeguidade universal, sen a que non se entende a Galicia de hoxe en día", engadiu o autor, Paco López-Barxas. Hoxe preséntase outro libro sobre Nós.

Football news:

Kamavinga se convirtió en cliente del agente Bale
Mourinho sobre su carrera como entrenador: hace 20 años solo se tuvo en cuenta a los exjugadores. Ahora no, y ese es mi legado
Balotelli está cerca de pasar a Vasco da gama. Le ofrecieron 2,5 millones de euros al año
Van Dijk es el mejor defensa central de 2020, Trent es derecho, Robertson es izquierdo (ESPN)
Massimiliano Allegri: Ronaldo es el mejor jugador en términos de mentalidad. Tiene un nuevo objetivo cada año
El Borussia Dortmund presentó una colección con Bob Esponja como parte de un acuerdo con Nickelodeon
Woodward sobre Manchester United y trofeos: hay mucho trabajo por delante para lograr la estabilidad necesaria para esto