Spain

Castrelo nomea a Raúl Fernández fillo predilecto

O exalcalde e deputado autonómico faleceu en 2019 por unha enfermidade

Raúl Fernández, quen fora alcalde de Castrelo do Val polo partido socialista, así como deputado autonómico, falecía aos 64 anos durante o pasado 2019 a causa dunha enfermidade. 

Pouco mais dun ano despois, a Corporación local de Castrelo e a súa familia renderon homenaxe ao político quen, a título póstumo, foi nomeado fillo predilecto deste municipio -onte, nunha sesión plenaria- pola súa traxectoria política e o cariño que foi quen de acadar entre compañeiros de partido, pero tamén doutras formacións políticas. "Raúl foi un compañeiro leal, honesto, dialogante pero, sobre todo, unha persoa que xerou o consenso de quenes o coñeceron e refírense a el como unha boa persoa", declarou o actual alcalde de Castrelo, Vicente Gómez.

O expediente para tal recoñecemento foi instruído o pasado mes de febreiro pola tenente de alcalde, Mar Valle, e concitou o consenso unánime de toda a Corporación local, pero tamén incorporou adhesións de exalcaldes e alcaldes de toda a Comarca de Monterrei de distintos signos políticos pero que quixeron sumarse a esta sentida homenaxe a unha persoa "moi querida e recordada", aseguran dende o Concello de Castrelo do Val.

No pleno celebrado onte, a súa viúva, María Barreira, acompañada polo seu fillo e outros familiares, recibiu de mans do alcalde, Vicente Gómez, a placa e o diploma que acreditan a Raúl Fernández como Fillo Predilecto do municipio.

NOME AO COLEXIO

A homenaxe a Raúl Fernández non rematou co seu distintivo de fillo predilecto a título póstumo, senon que o colexio da localidade pasará a levar o seu nome, tal e como se publicou no Diario Oficial de Galicia o pasado día 1 de decembro, cando a Consellería de Educación aceptou a proposta da Corporación local e do propio consello escolar para tal fin. "Este salón quedou pequeno, non só por mor da pandemia que nos impide ampliar o aforo, senón para acoller todas as persoas que expresaron o seu agarimo e convencemento de que este recoñecemento é pouco para o que el merecía", concluiu Gómez.

"Raúl foi un compañeiro leal, honesto e dialogante", asegurou o rexedor local, vicente gómez, durante o pleno.

Football news:

Okko Sport mostrará todos los partidos restantes de la Copa de Italia esta temporada
Lampard será despedido del Chelsea pronto. Podrían anunciar hoy
El Fenerbahçe pide a los aficionados que paguen el sueldo de Ozil. Es simple: envía un SMS: deposita 2 euros
Gazprom puede seguir siendo el patrocinador del Schalke si el Club vuela a la 2ª Bundesliga
Bruna Fernandes, Centrocampista del Manchester United, dijo que el delantero Edinson Cavani le dio consejos sobre cómo ejecutar el tiro libre con el que el Portugués anotó el gol de la victoria
Pep Guardiola: está casi seguro de que García se retirará del Man City al término de la temporada
Presidente del Atlético: siempre supieron que Suárez era el mejor central de Europa